ရှင်အာနုရုဒ္ဓါ နှစ်သိမ့်ပြောသောစကား။
- ရှင်တော်ဂေါတမ ပရိနိဗ္ဗာန်ပြုသောနောက် ပုထုဇဉ်၊ သောတာပန် ( အပါယ်လေးဘုံမှလွတ်သူ)သကဒါဂါမ်ဖြစ်ကုန်သော ရဟန်းတို့သည်၊ လက်တို့ကို ချီ၍ လက်နှစ်ဘက်တို့ကို ဦးခေါင်းပေါ်၌တင်၍၊ ငိုမြည်းတမ်းကြကုန်၏။ လူးလည်းလူးကြကုန်၏။
- ဘုန်းကြီးတော်မူသော မြတ်စွာဘုရားသည်။ အလွန်လျင်မြန်စွာ၊ နိဗ္ဗာန်ပြုတော်မူ၏၊ ဤသို့မြည်းတမ်းကုန်သည်ရှိသော် အနာဂါမ် ( အလုံးစုံ ကာမဘုံမှ လွတ်သူ) ရဟန်းတို့ကား သတိပညာနှင့်ပြည့်စုံသည်ဖြစ်၍၊ အဆင်အခြင်နှင့် ပြည့်စုံသည်ဖြစ်၍။ သင်္ခါရ တရားတို့သည် အမြဲမရှိကုန်။
- ဤသင်္ခါရ တရားတို့၌အကျုံးဝင်သော မြတ်စွာဘုရား၏ ကိုယ်တော်ကို မပျက်စီးစိမ့်သောငှါ၊ အဘယ်မှာ ရနိုင်အံ့နည်းဟု နှလုံးသွင်း၍၊ သည်းခံကုန်၏။
- ထိုအခါ အရှင်အနုရုဒ္ဓါသည်၊ ရဟန်းတို့ကို ခေါ်တော်မူ၍၊ ငါ့ရှင်တို့ မစိုးရိမ်ကြလင့်၊ မငိုကြွေးကြလင့်၊ ငါတို့မြတ်စွာဘုရားသည်၊ ရှေးဦးစွာကလျင်၊ ဤသို့သော စကားကို ဟောကြားတော်မူပြီမဟုတ်လော။
- ချစ်နှစ်သက်အပ်ကုန်သော အဆွေအမျိုး အစရှိသော သူတို့နှင့်၊ နာနာဘာဝ၊ ဝိနာဘာဝ၊ အညာတာဘဝ၊ ကွေကွင်းရခြင်းရှိ၏။
- ငါ့ရှင်တို့၊ ဤသင်္ခါရတရား၌ အကျုံးဝင်သော ဘုရားသခင် ကိုယ်တော်ကို မပျက်စီးစေဘဲ၊ အမြဲတည်စိမ့်သောငှါ၊ အဘယ်မှာ ရနိုင်ပါအံ့နည်း။
- ငါတို့မြတ်စွာဘုရား ကိုယ်တော်မြတ်သည် ထင်ရှားဖြစ်ခြင်းရှိ၏။ အကြောင်းတရားတို့သည် ပြုပြင်အပ်၏။ ပျက်စီးခြင်းသဘောတရားလည်းရှိ၏။ ထိုမြတ်စွာဘုရား၏ ကိုယ်တော်သည် မပျက်စီးဘဲ အမြဲတည်ပါမူ၊ ကောင်းလေစွာ့ တကားဟု၊ မပျက်စီးကြောင်းကို သင်တို့တောင့်တကုန်၏။ ထိုမပျက်စီးခြင်း အကြောင်းမရှိဟု ရှင်အာနုရုဒ္ဓါဟောလျှက်၊ ရဟန်းတို့ကို နှစ်သိမ့်စေလေသည်။
